Пенсия ёшидаги муҳтож шахслар, 16 ёшгача бўлган ногиронлиги бўлган болалар, 16 ёшдаги ва ундан катта ёшдаги ногиронлиги бўлган шахсларга имтиез тариқасида тиббий хулоса асосида протез-ортопедия буюмлари, реабилитация техник воситалари ва кресло-аравачалар бепул берилади.

  • Республика болалар таянч-ҳаракат тизими касалликлари реабилитацияси маркази болаларга диагностика ва даволаш бўйича тиббий ёрдамни бепул кўрсатади. Батафсил маълумот учун қуйидаги ҳаволага ўтинг. 
  • Ваколатли орган: тиббий-меҳнат эксперт комиссияси ёки Тиббий-маслаҳат комиссияси

Тақдим этиладиган ҳужжатлар
  • пенсия ёшидаги муҳтож шахсга унинг ёки қонуний вакилининг аризаси ҳамда даволовчи врачнинг тиббий ҳужжатларига (амбулатор картаси, зарур бўлганда, касаллик тарихидан кўчирма) асосан тиббий хулоса;
  • 16 ёшгача бўлган ногиронлиги бўлган болага қонуний вакилининг аризаси ҳамда ногиронлик тўғрисидаги маълумотнома;
  • 16 ёшдаги ва ундан катта ёшдаги ногиронлиги бўлган шахсларга ногиронлиги бўлган шахснинг ёки қонуний вакилининг аризаси ҳамда ногиронлик тўғрисидаги маълумотнома.

Хизмат учун тўлов: бепул.