Қайси харажатлар кўриб чиқилади?
Қонунчиликда, жумладан, кресло-аравача, кичик габаритли аравача, эшитиш мосламаси, ҳасса, қўлтиқтаёқ ва реабилитация воситасини жорий таъмирлаш харажатлари кўрсатилган. Компенсация восита ёки хизматнинг белгиланган ўртача қийматидан ортиқ бўлмайди.
Қандай мурожаат қилинади?
Шахс ёки унинг қонуний вакили ҳудудий тиббий-ижтимоий хизматларни ривожлантириш бошқармасига ариза беради. Аризага реабилитация дастури, харидни тасдиқловчи чек ёки квитанция ва низомда кўрсатилган бошқа ҳужжатлар илова қилинади. Ҳужжатлар махсус комиссияда кўриб чиқилади.
Ижобий қарор қабул қилинса, компенсация қарор қабул қилинган кундан бошлаб 10 кун ичида тўланади. Рад этилса, асосланган ёзма жавоб берилиши керак; рад этиш сабаби бартараф этилгандан кейин қайта мурожаат қилиш ёки қарор устидан судга шикоят бериш мумкин.
Ҳуқуқий асос: Вазирлар Маҳкамасининг 2009 йил 17 июндаги 166-сон қарори билан тасдиқланган компенсация тўлаш тартиби тўғрисидаги низом.