Мен 2 ёшли фарзандим билан чет элга боришим керак. Ёш болаларга чет элга чиқиш паспортини олиш учун тўлов миқдори ва тартиби қандай?
✅ Ўзбекистон Республикаси Президентининг 26.12.2018 йилдаги 4079-сон қарорига асосан, чет элга чиқиш биометрик паспортлари қуйидаги муддатларга берилади:
- 1 ёшгача бўлган болаларга – 2 йилга, 1-16 ёшгача болаларга – 5 йилга, 16 ёшдан ошганларга – 10 йилга муддатга берилади.
✅ Хорижга чиқиш биометрик паспортини расмийлаштирганлик учун, тўловлар миқдори:
- 16 ёшгача болаларга – базавий ҳисоблаш миқдорининг 80% миқдорида
- 16 ёшдан катталарга – базавий ҳисоблаш миқдорининг 120% миқдорида.
✅ Тўловлар миқдори Ўзбекистон Републикасида ўрнатилган базавий ҳисоблаш миқдоридан келиб чиқади, хозирги кунда бу миқдор ташкил қилади.
✅ Вояга етмаган болаларга хорижга чиқиш биометрик паспортини расмийлашитириш учун ота-онани ёзма розилиги шарт.
Консуллик рўйхатида турувчи, чет элда яшовчи фуқароларга хорижга чиқиш биометрик паспортини олиш тартиби қандай?
✅ Ўзбекистон Республикаси Вазирлар Маҳкамасининг 49-сонли қарорига кўра, фуқароларга хорижга чикиш биометрик паспортини бериш:
- хориждаги консуллик муассасалари;
- Ташки ишлар вазирлигининг Консуллик-ҳуқукий департаменти;
- Ташки ишлар вазирлигининг Қоракалпоғистон Республикаси ва вилоятлардаги бўлинмалари томонидан амалга оширилади.
✅ Консуллик муассасалари томонидан хорижга чиқиш биометрик паспортини қуйидаги фуқароларга расмийлаштирилади:
- хорижда доимий яшайдиган ва доимий консуллик рўйхатида турувчилар;
- Ўзбекистон ҳудудида доимий яшайдиган ва 6 ойдан кўп муддатга хизмат сафари, ўқиш, даволаниш, контракт бўйича ишлаш, оиласи билан бирлашиш мақсадида хорижга вақтинчалик чиққан хамда консуллик руйхатида турганларга.
✅ Паспорт олиш ҳақида тегишли идораларга мурожаат қилинганда, ҳужжатлар қабул қилинган кундан бошлаб, Ўзбекистон ҳудудида - 10 кун муддатда, хорижда эса – дипломатик постга жўнатилиш жадвалига асосан амалга оширилади.
Хорижга чиқиш биометрик паспортининг амал қилиш муддати тугашидан қанча вақт олдин алмаштириши мумкин?
✅ Ўзбекистон Республикасидан ташқарига чиқиб кетаётганида хорижга чиқиш биометрик паспортининг амал қилиш муддати бир йилдан кам бўлган тақдирда алмаштириши мумкин.
Хорижий фуқароларни вақтинча рўйхатдан ўтказиш учун қандай ҳужжатлар талаб этилади?
✅ Хорижий фуқароларни вақтинча рўйхатдан ўтказиш учун қуйидаги ҳужжатлар тақдим этилади:
- белгиланган шаклдаги илтимоснома;
- қабул килувчи ташкилотнинг белгиланган шаклдаги илтимосномаси;
- миллий паспорт ёки фуқаролиги йуқ шахс учун ҳужжат;
- уй-жой эгасининг вақтинча рўйхатдан ўтказишга ёзма розилиги ва уй-жойга бўлган ҳуқуқини белгиловчи ҳужжатлар;
- давлат божи тўланганлиги ҳакида квитанция (Ўзбекистон Республикаси Президенти фармони ёки Вазирлар Маҳкамасининг қарори билан давлат божи тўлашдан озод этилганлар, бундан мустасно).