Yangi tug‘ilgan bolani farzandlikka olgan yoki unga vasiy qilib belgilangan xodim maxsus ta’til olish huquqiga ega. Ta’til farzandlikka olish yoki vasiylik belgilangan kundan boshlanadi va bola tug‘ilgan kundan hisoblaganda 56 kalendarь kun o‘tguniga qadar davom etadi. Bir vaqtning o‘zida ikki yoki undan ortiq bola farzandlikka olinsa, bu muddat 70 kalendarь kun hisobida belgilanadi.
Muhim jihat: 56 yoki 70 kun bola oilaga qabul qilingan sanadan boshlab qayta hisoblanmaydi. Qonunda muddatning oxiri bolaning tug‘ilgan sanasiga bog‘langan. Shu sababli ta’tilning amalda qolgan qismi bola farzandlikka olingan yoki vasiylik belgilangan kundagi yoshiga qarab farq qiladi.
Bu ta’til davrida qonunchilikda belgilangan miqdorda, biroq o‘rtacha oylik ish haqining 75 foizidan kam bo‘lmagan nafaqa to‘lanadi. Keyin xodimning yozma arizasiga ko‘ra bola ikki yoshga to‘lguniga qadar nafaqa to‘lanadigan parvarishlash ta’tili, uch yoshga to‘lguniga qadar esa ish haqi saqlanmaydigan ta’til berilishi mumkin.
Huquqiy asos (o‘zbekcha): O‘zbekiston Respublikasi Mehnat kodeksi, 406-modda.