Nogironligi bo‘lgan shaxs uchun qulay ish joyi uning bajaradigan vazifasi va shaxsiy ehtiyojlarini hisobga olgan holda tashkil etiladi. Ish joyini moslashtirish xodimning binoga kirishi, ish joyini topishi, axborot olishi va mehnat vazifasini xavfsiz bajarishiga xizmat qiladi.
Ko‘rish bo‘yicha nogironligi bo‘lgan xodim uchun ish joyiga olib boruvchi yo‘llarni qulaylashtirish, taktil belgilar o‘rnatish, ekrandagi ma’lumotni ovozga aylantiruvchi dasturlar yoki Braylь vositalaridan foydalanish tavsiya etiladi. Qaysi vosita zarurligi xodim bajaradigan ishga qarab aniqlanadi.
Eshitish bo‘yicha nogironligi bo‘lgan xodimga tovushni kuchaytiruvchi qurilmalar yoki tovush signalini yorug‘lik va matnli xabarga aylantiruvchi vositalar kerak bo‘lishi mumkin. Ish beruvchi xodim bilan muloqot qilish va xavfsizlik haqida ogohlantirish usulini ham hisobga olishi lozim.
Kasblar va lavozimlar bo‘yicha tavsiyalar muayyan xodimning imkoniyati hamda ish sharoiti bilan birga ko‘rib chiqiladi. Asosiy maqsad — xodim o‘z vazifasini bajara oladigan qulay mehnat sharoitini yaratish.
Huquqiy asos: Vazirlar Mahkamasining 2022-yil 31-avgustdagi 486-son qarori — Lex.uz.